Dünyada düyü ixracının 40 faizini təşkil edən Hindistanın hakimiyyət orqanları “Basmati” istisna olmaqla, təmizlənmiş ağ düyü sortlarının ixracını qadağan edib.
Naxçıvan televiziyası xəbər verir ki, bu barədə ölkənin İstehlakçı Məsələləri və Ərzaq Paylanması Nazirliyi məlumat yayıb.
Qadağan olunmuş sortlar düyü ixracının 25 faizini təşkil edir.
“Basmati” istisna olmaqla, tələb olunan həcmdə ağ düyü sortlarının Hindistan bazarında mövcud olmasını təmin etmək, habelə daxili bazarda qiymət artımını yumşaltmaq məqsədilə Hindistan hökuməti bu sortların ixrac siyasəti qaydalarına dəyişiklik edərək, onların kateqoriyasını “20 faiz rüsumla pulsuz ixrac”dan “qadağan olunmuş”a dəyişdirib”, – məlumatda bildirilir.
Son bir ildə düyünün topdansatış qiyməti 11,5 faiz artıb. Nazirlik “Basmati” istisna olmaqla, ağ düyü sortlarının ixracına qoyulan məhdudiyyətlərin ölkədə qiymətlərin ucuzlaşmasına səbəb olacağını proqnozlaşdırır.
NTV canlı
Radio canlı
Nuhçıxan