Futbol üzrə Azərbaycan I Divizionunun XVI turu çərçivəsində “Araz-Naxçıvan” bu gün "Qarabağ-2"nin qonağı olub.
Naxçıvan televiziyası İnformasiya Agentliyi xəbər verir ki, Binə qəsəbə stadionunda keçirilən görüşdə oyuna fəal başlayan ev sahibi “Qarabağ-2” 13-cü dəqiqədə hesabı açıb. Bundan sonra qarşılıqlı hücumlara baxmayaraq, ilk hissədə hesab dəyişməyib.
Oyunun ikinci hissəsində təşəbbüsə yiyələnən “Araz-Naxçıvan” 63-cü dəqiqədə çempionatın ən sərrast futbolçusu Orxan Əliyevlə hesaba tarazlıq gətirib: 1-1.
Qoldan 7 dəqiqə sonra ev sahibi yenidən mərkəzə dəvət edilib. Orxan Əliyev dubl edərək “qırmızı-ağlar”ı sevindirib: 2-1.
Görüş bu hesabla başa çatıb və çempionatın lideri “Araz-Naxçıvan” öz mövqeyini daha da möhkəmləndirib.
NTV canlı
Radio canlı
Nuhçıxan