Yeniyetmə və kadetlərdən ibarət sambo üzrə Azərbaycan millisi İsrailin Hayfa şəhərində keçirilən Avropa birinciliyində yeddi medal qazanıb.
Naxçıvan televiziyası İnformasiya Agentliyi Azərbaycan Sambo Federasiyasına istinadla xəbər verir ki, yeniyetmələr arasında Elsevər Verdiyev (64 kq) gümüş, Amin İsmayılov (53 kq) isə bürünc medala sahib olublar.
Kadetlərin mübarizəsində İsmayıl Əlipənahov (49 kq) yarışı ikinci, Toğrul Kərimli (53 kq), Nihad Rəhimov (58 kq), Kənan Məmmədli (71 kq) və Hüseyn Hüseynli (88 kq) üçüncü pillədə başa vurublar.
Hayfada keçirilən Avropa çempionatı və birinciliklərində çıxış edən kişilərdən, gənclərdən, yeniyetmələrdən və kadetlərdən ibarət yığma komandamız ümumilikdə 3 gümüş və 11 bürünc medal əldə edib.
NTV canlı
Radio canlı
Nuhçıxan