Naxçıvanın tikinti materialları bazarında ucuzlaşma müşahidə olunur. Naxçıvan televiziyası xəbər verir ki, buna səbəb bazara Bakı şəhərindən gətirilən inşaat materiallarına görə qanunsuz rüsumların ləğv olunmasıdır.
Naxçıvan şəhərində tikinti materiallarının əsas satış mərkəzləri və iaşə obyektləri şəhərin Mustafa Topçubaşov küçəsində yerləşir. Burada satışa çıxarılan inşaat materialları sırasında yerli və Türkiyə istehsalı materiallarla yanaşı, Bakı şəhərindən gətirilən Ukrayna və Rusiya mənşəli məhsullar da yer alır. Əvvəlki illərdə Bakı şəhərindən Naxçıvana gətirlən inşaat materiallarından qanunsuz olaraq əlavə rüsumlar alınırdı. Bu da təbii olaraq tikinti bazarında qiymətlərin yüksəlməsinə gətirib çıxarırdı. Hazırda isə bu əlavə xərclər aradan qaldırılıb. Nəticə etibarı ilə hazırda bir çox inşaat materiallarında qiymətlər ötən ilə nisbətən 15-20 faizədək aşağı düşüb.
Hazırda tikinti materialları bazarında əsasən dam örtükləri, taxta, şalban, dəmir konstruksiya materialları, boya, divar kağızları və digər məhsulların qiymətində nəzərəçarpacaq endirim var. Belə ki, hazırda Bakıdan gətirilən armatur tonu əvvəlki ilə nisbətən 50-60 manat aralığında, qapı-pəncərə ötən ilə nisbətən 25-30 manat, dam örtükləri ölçüsündən asılı olaraq 9-12 manat aralığında endirimlərlə satışa çıxarılır.
Qeyd edək ki, Naxçıvanda istehsal olunan tikinti materiallarına da maraq böyükdür. Xüsusilə yerli istehsal olan hörgü və dekorativ daşlar, sement, alçı, boya, istilik sistemləri və digər məhsullara tələbat artır.
NTV canlı
Radio canlı
Nuhçıxan