Bakı şəhərində keçirilən festivalda Naxçıvan şagirdlərinin əl işləri nümayiş olunub
Dənizkənarı Bulvarda Uşaq İncəsənət Festivalı çərçivəsində "1 İyun - Uşaqların Beynəlxalq Müdafiəsi Günü" nə həsr olunmuş konsert və əyləncəli proqram keçirilib.
Tədbirdə 2023- cü ildə keçirilən "I Uşaq İncəsənət Festivalı"nın qalibləri tanınmış sənətçilərlə eyni səhnəni bölüşüb, istedadlı şagirdlərin əl işlərindən ibarət guşələr yer alıb.
Eləcə də "Uşaq İncəsənət Festivalı-2023"-də fortepiano nominasiyası üzrə 3-cü yerin qalibi olmuş Naxçıvan Muxtar Respublikası Mədəniyyət Nazirliyinin tabeliyində fəaliyyət göstərən Naxçıvan şəhər 4 nömrəli Uşaq Musiqi Məktəbinin fortepiano ixtisası üzrə V sinif şagirdi Turan Abdullayevin də əl işləri nümayiş olunub.
Qeyd edək ki, tədbir Azərbaycan Respublikasının Mədəniyyət Nazirliyi, Elm və Təhsil Nazirliyi, Heydər Əliyev Mərkəzi eləcə də Dənizkənarı Bulvar İdarəsinin birgə təşkilatçılığı ilə baş tutub.
Xatırladaq ki, Naxçıvanda "Uşaq İncəsənət Festivalı"nın 1-ci turuna yekun vurulub. Festivalda iştirak etmək üçün 1000- dən artıq şagird qeydiyyatdan keçib.
NTV canlı
Radio canlı
Nuhçıxan