Prezident İlham Əliyev noyabrın 3-də Azərbaycan Respublikasında kənd təsərrüfatının inkişafında xidmətləri olan bir qrup şəxsin təltif edilməsi haqqında Sərəncam imzalayıb.
Naxçıvan televiziyası İnformasiya Agentliyinin məlumatına görə, təltif edilənlər arasında Naxçıvan Muxtar Respublikasının kənd təsərrüfatı sahəsində çalışanlar da vardır.
Prezidentin Sərəncamı ilə Qurbanov Nüsrət Yəhya oğlu, Məmmədov Eldəniz Bayram oğlu və Tağıyev Yasin İsfəndiyar oğlu 3-cü dərəcəli “Əmək” ordeni ilə, Məmmədov Mərdan Məmməd oğlu və Şahvəliyev Rəhman Caməmməd oğlu isə “Tərəqqi” medalı ilə təltif ediliblər.
Qeyd edək ki, həmin şəxslər Azərbaycan Respublikasında kənd təsərrüfatının inkişafında xidmətlərinə görə təltif ediliblər.
NTV canlı
Radio canlı
Nuhçıxan