Rəcəb Tayyib Ərdoğan: Haqlı mübarizəsində olduğu kimi, sülh axtarışında da Azərbaycanın yanındayıq

Haqlı mübarizəsində olduğu kimi, sülh axtarışında da Azərbaycanın yanındayıq.

Naxçıvan televiziyası İnformasiya Agentliyi xəbər verir ki, bu fikri Türkiyə Prezidenti Rəcəb Tayyib Ərdoğan noyabrın 11-də Türk Dövlətləri Təşkilatının Səmərqənddə keçirilən IX Zirvə Görüşündəki çıxışında bildirib.

“Cənubi Qafqazda sülh prosesi Can Azərbaycanın bütün səylərinə baxmayaraq, hələ də kövrək olaraq qalır”, - deyən Türkiyə Prezidenti vurğulayıb: “Noyabrın 8-də qeyd etdiyimiz şanlı Qarabağ Zəfərinin ikinci ildönümündə əziz şəhidlərimizə Allahdan rəhmət, qazilərimizə cansağlığı arzulayıram. İlham qardaşımızın şəxsində Azərbaycan xalqını bir daha təbrik edirəm. Haqlı mübarizəsində olduğu kimi, sülh axtarışında da Azərbaycanın yanındayıq”.