"Naxçıvanda təsərrüfatbaşına uçot sənədlərinin tətbiqi həm bu sahədə statistikanın təkmilləşdirilməsinə, eyni zamanda digər məqsədlər üçün məlumatların ilkin mənbədən əldə edilməsinə imkan verəcək".
Naxçıvan televiziyası İnformasiya Agentliyi xəbər verir ki, bu fikirləri Azərbaycan Respublikası Dövlət Statistika Komitəsi sədrinin müavini Yusif Yusifov Naxçıvan televiziyasına verdiyi müsahibədə səsləndirib.
Qeyd edək ki, bu gün Naxçıvan Dövlət Milli Dram Teatrında təsərrüfat başına uçot kitablarının doldurulması işinin təşkili ilə bağlı müşavirə keçirilib.
Müşavirədə Prezidentin Naxçıvandakı səlahiyyətli nümayəndəsi Fuad Nəcəfli, Prezident Administrasiyasının Ərazi-təşkilat məsələləri şöbəsinin və Azərbaycan Respublikası Dövlət Statistika Komitəsinin əməkdaşları, eyni zamanda muxtar respublikanın mərkəzi və yerli icra hakimiyyəti orqanlarının rəhbərləri və nümayəndələri iştirak ediblər.
NTV canlı
Radio canlı
Nuhçıxan