“Sağlam ətraf mühit və ekoloji təhlükəsizlik-insan hüquqlarının mühüm təminatı” mövzusunda maarifləndirici tədbir keçirilib - FOTOLAR

NTV xəbər verir ki, Azərbaycan Respublikasının İnsan Hüquqları üzrə Müvəkkilinin (Ombudsmanın) təşəbbüsü ilə keçirilən “İnsan Hüquqları Aylığı” çərçivəsində Naxçıvan Muxtar Respublikasının Ekologiya və Təbii Sərvətlər Nazirliyində “Sağlam ətraf mühit və ekoloji təhlükəsizlik-insan hüquqlarının mühüm təminatı” mövzusunda maarifləndirici tədbir təşkil olunub.

Tədbirdə Nazirliyin əməkdaşları ilə yanaşı, ictimaiyyət nümayəndələri, qeyri-hökumət təşkilatlarının nümayəndələri və ekokönüllülər iştirak ediblər.

Əvvəlcə Ümummilli Lider Heydər Əliyevin və Vətən uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.

Naxçıvan Muxtar Respublikasının Ekologiya və Təbii Sərvətlər Nazirliyinin Hüquq, insan resursları və sənədlərlə iş şöbəsinin müdiri Sevinc Səmədova “İnsan hüquqlarının qorunmasında dövlət-vətəndaş münasibətləri”, Dövlət Ekoloji Təhlükəsizlik Xidmətinin rəisi Azər Məmmədov isə “Sağlam ətraf mühit və ekoloji təhlükəsizlik-insan hüquqlarının mühüm təminatı, Hüquqi təminat və icraya nəzarət sektorunun müdiri Qəhrəman Qasımov “İnsan Hüquqları Aylığının əhəmiyyəti və hüquqi maarifləndirmənin rolu mövzularında çıxış ediblər.

Çıxışlarda insan hüquqlarının qorunması, hüquqi maarifləndirmənin əhəmiyyəti, ekoloji təhlükəsizliyin təmin olunması və sağlam ətraf mühitdə yaşamaq hüququnun insan hüquqlarının ayrılmaz tərkib hissəsi olduğu vurğulanıb.

Sonda iştirakçıların sualları cavablandırılıb, mövzu ətrafında fikir mübadiləsi aparılıb.

#İnsanHüquqlarıAylığı #HumanRightsMonth