Avropa İttifaqı (Aİ) bu ilin birinci yarısında Rusiyadan 4,48 milyard avro dəyərində mayeləşdirilmiş təbii qaz (LNG) idxal edib. Bu, ötən ilin eyni dövrü ilə müqayisədə 29 faiz çoxdur.
NTV xəbər verir ki, bu barədə Avropa Statistika İdarəsinin (Eurostat) məlumatında qeyd olunub.
İlin ilk altı ayında Aİ ölkələri tərəfindən ümumilikdə 26,9 milyard avro dəyərində LNG idxal olunub. Bunun 13,7 milyard avroluq hissəsi ABŞ-dan gətirilib.
Hazırda Aİ neft və kömür kimi digər fosil yanacaqlarına sanksiyalar tətbiq etsə də, qaza qarşı sanksiyalar tətbiq olunmayıb. Bu səbəbdən Rusiya qazı Aİ-yə hələ də “Türk axını” boru kəməri və LNG vasitəsilə çatdırılır.
Ötən il Rusiya qazı Aİ-nin ümumi qaz idxalının 19 faizini təşkil edib. “Eurostat”ın məlumatına əsasən, 2024-cü ildə Aİ Rusiyadan 15,6 milyard avro dəyərində təbii və emal olunmuş qaz idxal edib. Eyni dövrdə ABŞ-dan idxal 19,1 milyard avro təşkil edib.
Qeyd edək ki, Aİ Rusiyadan qaz idxalını bir neçə il ərzində tamamilə dayandırmağı hədəfləyir.
NTV canlı
Radio canlı
Nuhçıxan