Müharibəyə son qoymaq üzrə danışıqlar prosesini bərpa etmək üçün effektiv vasitələrin tapılmasını müzakirə etdik. Mövcud diplomatik vəziyyəti hərtərəfli təhlil etdik və bu istiqamətdə işi sürətləndirə biləcək addımları əlaqələndirdik.
NTV xəbər verir ki, bu barədə Ukrayna Prezidenti aparatının rəhbəri Kiril Budanov Kiyevdə Türkiyənin xarici işlər naziri Hakan Fidan ilə görüşdən sonra bildirib.
O əlavə edib: “Hakan Fidan Türkiyənin danışıqlar prosesini bərpa etmək və uzunmüddətli sülhə nail olmaq istiqamətində səyləri və vasitəçilik təşəbbüsləri barədə ətraflı məlumat verib.
Biz, həmçinin Rusiya elitasında müharibənin davam etdirilməsi və ya sona çatması perspektivləri ilə bağlı fikirlərin təhlilinə xüsusi diqqət yetirdik. Ukraynanın uzaqmənzilli zərbələrinin Rusiya cəmiyyətinin sosial-siyasi hisslərinə, eləcə də Türkiyədəki iqtisadi sabitliyə və siyasi proseslərə necə təsir göstərdiyini müzakirə etdik”.
Qeyd edək ki, Hakan Fidan iki gündür Kiyevdə rəsmi səfərdədir.
NTV canlı
Radio canlı
Nuhçıxan