Bu gün nəqliyyat marşrutlarının dəyişdiyi və Orta Dəhlizə marağın artdığı bir vaxtda dəmir yollarının rolu daha da vacib hala gəlir. Modernləşdirilmiş, müasir və yaxşı işləyən dəmir yolu sistemi Gürcüstan üçün tranzitdəki rolunu daha da gücləndirməyə fürsətdir.
NTV xəbər verir ki, bu sözləri Gürcüstanın Baş naziri İrakli Kobaxidze Dəmiryolçu Gününə həsr olunmuş tədbirdəki çıxışında bildirib.
Onun sözlərinə görə, nəqliyyat infrastrukturunun inkişafı Gürcüstan əsas prioritetlərdən biridir.
“2032-ci ilə qədər nəqliyyat infrastrukturuna 7 milyard dollar investisiya qoyulacaq. Limanlar, avtomobil yolları və hava limanları ilə yanaşı, bu planın ən vacib komponentlərindən biri dəmir yollarının modernləşdirilməsi və gücləndirilməsidir. Ötən ilin sonunda Gürcüstanın əsas dəmir yolunun tarixi modernləşdirilməsi başa çatıb ki, bu da tutumu ikiqat artırıb və daşıma müddətini əhəmiyyətli dərəcədə azaldıb. Biz həmçinin Bakı-Tbilisi-Qars layihəsini başa çatdırdıq və dəmir yolunun bu hissəsi tammiqyaslı istismara verilib”, - deyə İrakli Kobaxidze qeyd edib.
NTV canlı
Radio canlı
Nuhçıxan