satellite   Azerspace-1: 11135 H 30000

Ukrayna Silahlı Qüvvələrinin Baş Qərargahı Kerç körpüsünün dəmir yolu xəttinin zədələndiyini təsdiqləyib

Ukrayna Silahlı Qüvvələrinin Baş Qərargahı Kerç körpüsünün dəmir yolu xəttinin zədələndiyini təsdiqləyib

Ukrayna Hərbi-Dəniz Qüvvələrinin “Neptun” sahil raket kompleksləri Krım körpüsünə raket zərbələri endirib.

NTV  xəbər verir ki, bu barədə Ukrayna Silahlı Qüvvələri Baş Qərargahının “Telegram” kanalında məlumat verilib.

Bildirilib ki, körpüdə nəqliyyatın hərəkəti dayandırılıb, dəmir yolu xətti zədələnib.

Bu körpü Rusiya ordusunun cənub istiqamətindəki qoşun qruplaşmalarını yanacaq, döyüş sursatı və texnika ilə təchiz etdiyi əsas quru nəqliyyat marşrutudur. Rusiya bu körpünü inşa etdikdən sonra illər ərzində onun vurulmasının mümkün olmadığını və toxunulmaz olduğunu iddia edib.

Baş Qərargahın məlumatında qeyd olunub ki, Kerç keçidi Moskvanın cəbhəni təmin edən zəncirinin yalnız bir halqasıdır. Müdafiə Qüvvələri addım-addım Rusiyanın digər hərbi logistika imkanlarını da zəiflədir.

Əvvəlki zərbələrin nəticələrinə dair məlumatlara əsasən, daha üç avtomobil körpüsünün yol örtüyünün zədələndiyi təsdiqlənib. Bunlar Luqansk vilayətinin Prişib rayonu yaxınlığında Şimali Donets çayı, Taqanroq yaxınlığında Mius çayı və Rostov vilayətinin Lakedemonovka rayonu yaxınlığında Mius limanı üzərindəki körpülərdir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM