Azərbaycan Prezidenti İlham Əliyevə Bakı şəhərində Qazaxıstan Prezidenti Kasım-Jomart Tokayev tərəfindən Qazaxıstanın “Altın kıran” – “Qızıl qartal” ali ordeninin təqdim olunması Türkiyənin aparıcı kütləvi informasiya vasitələri tərəfindən geniş işıqlandırılıb.
Naxçıvan televiziyası İnformasiya Agentliyi xəbər verir ki, ölkənin aparıcı informasiya agentlikləri, xəbər saytları və telekanallarının məlumatlarında vurğulanır ki, Prezident İlham Əliyev Azərbaycan Respublikası ilə Qazaxıstan Respublikası arasında münasibətlərin möhkəmlənməsi istiqamətindəki səmərəli fəaliyyətinə görə “Altın kıran” ordeni ilə təltif edilib.
Azərbaycan-Qazaxıstan münasibətlərinin yeni inkişaf mərhələsinə qədəm qoymasını yüksək dəyərləndirən Türkiyə KİV-lərində Azərbaycan Prezidenti İlham Əliyev və Qazaxıstan Prezidenti Kasım-Jomart Tokayevin rəhbərliyi ilə qazanılan uğur və nailiyyətlərin, liderlərin qətiyyəti və ortaq siyasi qərarlarının tarixi missiya olduğu diqqətə çatdırılıb. Bildirilir ki, liderlərin qətiyyəti sayəsində Azərbaycan-Qazaxıstan münasibətlərində yaranan yeni mərhələ türk dünyasının birliyinə, türk dövlətlərinin birgə və kompleks inkişafına xüsusi töhfələr verir.
İnformasiyalarda həmçinin ali qonaq Prezident Kasım-Jomart Tokayevin yüksək səviyyədə qarşılanması, Qazaxıstan dövlət başçısına göstərilən hörmət və ehtiram ön plana çəkilib.
NTV canlı
Radio canlı
Nuhçıxan