Le Pen: Fransa Prezidenti çaşbaş vəziyyətdədir

Fransa Prezidenti Emmanuel Makron çaşbaş vəziyyətdədir - onun mandatını vaxtından əvvəl başa çatdırmasına səbəb ola biləcək bir çox səbəblər var.

Naxçıvan televiziyası xəbər verir ki, bunu ifrat sağçı "Milli Birlik" partiyasının parlament fraksiyasının lideri Marin Le Pen "Le Parisien" qəzetinə müsahibəsində bildirib.

"Makron çaşbaş vəziyyətdədir. Problemlər hətta onun yeni baş nazirlə (Fransua Bayru - red.) və ya maliyyə bazarındakı vəziyyətlə razılaşmaya bilən mərkəzçi bloku ilə də yarana bilər", - o əlavə edib.

Le Penin sözlərinə görə, bu səbəbdən o, növbədənkənar prezident seçkilərinə hazırlaşmalıdır.

"Ehtiyat tədbiri olaraq mən növbədənkənar prezident seçkilərinə hazırlaşıram", - o bildirib.