ABŞ-da qar fırtınasında ölənlərin sayı 65 nəfərə çatıb

ABŞ-da bir həftədən çoxdur davam edən kəskin hava səbəbindən həyatını itirənlərin sayı 65 nəfərə çatıb.

Bu barədə Naxçıvan televiziyası İnformasiya Agentliyi xarici mətbuata istinadən xəbər verir.

Qeyd edilir ki, Buffalo şəhərində şəxsi avtomobilində kömək gözləyən qadın donaraq ölüb. Qohumları CNN-ə bildiriblər ki, iş üçün Şimali Karolinadan Buffaloya köçən 22 yaşlı Annendel Teylor həftəsonu evə gedərkən avtomobilində donub.

ABŞ-da qar fırtınası və şaxtalı hava səbəbindən həyatını itirənlərin yarıdan çoxu Nyu-Yorkun sakinləridir. Fırtınanın ən çox təsir götərdiyi Kanada ilə sərhəddəki Buffalo şəhərində həyat dayanıb, 34 nəfərin həyatını itirdiyi şəhərdə qalanlara qida, isti su, adyal və s. çatdırılır.

Milli Qvardiyanın hərbçiləri evsiz və yaşlı insanların vəziyyətini yoxlamaq üçün qapı-qapı gəzir.