Gələcəkdə Rusiyadakı aviabazalara zərbələr daha da dərindən ola bilər.
Naxçıvan televiziyası İnformasiya Agentliyi xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov “ABC News”a müsahibəsində deyib.
Bununla belə, o, ölkəsinin Rusiya aviabazalarına hücumlarda iştirakını təsdiqləməyib.
Jurnalistin Ukraynanın Rusiya aviabazasına zərbələr endirib-endirməməsi ilə bağlı sualına o, ancaq müharibə bitdikdən sonra cavab verə biləcəyini deyib.
“Hücumlar getdikcə daha da dərinləşəcək”, - deyə o, onları görməkdən şad olduğunu qeyd edib.
Kəşfiyyat rəhbəri onu da vurğulayıb ki, Krım Ukrayna ərazisidir, ona görə də Ukraynanın lazım bildiyi istənilən silahdan orada istifadə etmək olar.
NTV canlı
Radio canlı
Nuhçıxan