Dövlət İmtahan Mərkəzi doktorantura və dissertantura səviyyəsində xarici dil üzrə fəlsəfə doktoru imtahanının danışıq bloku üzrə imtahan verəcək namizədlərə müraciət edib.
DİM-dən Naxçıvan televiziyası İnformasiya Agentliyinə bildirilib ki, danışıq bloku üzrə imtahan dekabrın 17-də keçiriləcək. Danışıq bloku üzrə qiymətləndirmə şifahi formada kompüter proqramı vasitəsilə həyata keçiriləcək. İddiaçılar “İmtahana buraxılış vərəqəsi”ni Mərkəzin saytındakı linkdən çap edə bilərlər.
İddiaçılar imtahana şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidirlər. Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, iddiaçı imtahana buraxılmayacaq. İştirakçılar kompüter proqramının “demo” versiyası ilə DİM-in saytındakı linkdən tanış ola bilərlər.
İddiaçılara mütləq danışıq bloku üzrə ümumi məlumat və imtahan qaydaları ilə yaxından tanış olmaq tövsiyə edilir.
NTV canlı
Radio canlı
Nuhçıxan