Bakıda Azərbaycan və Qazaxıstan yığmaları arasında keçiriləcək UEFA Millətlər Liqasının qrup mərhələsinin altıncı turunun oyununa hakim təyinatı açıqlanıb.
NUHÇIXAN İnformasiya Agentliyi xəbər verir ki, qarşılaşma Almaniyadan olan hakimlər briqadasına tapşırılıb. Matçın baş hakimi Harm Osmers olacaq. Ona Robert Kempter və Dominik Şaal köməklik edəcəklər. Dördüncü hakim funksiyasını Martin Petersen yerinə yetirəcək.
Qeyd edək ki, sentyabrın 25-də “Dalğa Arena”da keçiriləcək qarşılaşma saat 20:00-da başlayacaq. Azərbaycan millisi bu gün beşinci tur çərçivəsində Trnavada Slovakiya yığması ilə üz-üzə gələcək.
NTV canlı
Radio canlı
Nuhçıxan