“Atletiko” klubu “Barselona”dan icarəyə götürdüyü Antuan Qrizmannı birdəfəlik transfer edib.
Naxçıvan televiziyası İnformasiya Agentliyi xəbər verir ki, bu barədə klubun rəsmi saytı məlumat yayıb.
Otuz bir yaşlı hücumçu ilə 2026-cı ilin yayınadək müqavilə imzalanıb. Madrid təmsilçisi keçidə görə 20+4 milyon avro ödəyəcək.
Qeyd edək ki, Qrizmann 2021-ci ilin yayından icarə əsasında “Atletiko”da oynayır. O, 2014-2019-cu illərdə də bu komandanın formasını geyinib. Fransalı oyunçu 2019-cu ildə 120 milyon avroya "Barselona"ya transfer olunmuşdu. Qrizmann bu mövsüm “Atletiko”nun heyətində 11 matçda 3 qol vurub və 2 məhsuldar ötürmə edib.
NTV canlı
Radio canlı
Nuhçıxan