İşə düzəltmək adı ilə vətəndaşın 24 min manatını ələ keçirməkdə şübhəli bilinən şəxs saxlanılıb

İşə düzəltmək adı ilə vətəndaşın 24 min manatını ələ keçirməkdə şübhəli bilinən şəxs saxlanılıb.

Bu barədə NTV-yə Daxili İşlər Nazirliyindən məlumat verilib.

Bildirilib ki, Bakı sakini olan bir nəfər polisə müraciət edərək əvvəlcədən tanıdığı şəxsin həyat yoldaşını işə düzəltmək vədi ilə ondan 24 min manat alıb.

Polis əməkdaşlarının keçirdikləri tədbirlər nəticəsində dələduzluq əməlini törətməkdə şübhəli bilinən, əvvəllər də analoji əmələ görə məhkum olunmuş 34 yaşlı O.Rəhimov müəyyən edilərək saxlanılıb.

Araşdırmalarla onun paytaxt ərazisində və Abşeron rayonunda ayrı-ayrı vaxtlarda digər şəxslərə qarşı da analoji əməllər törətdiyi müəyyən edilib.

Faktla bağlı cinayət işi başlanıb, araşdırmalar davam etdirilir.