Naxçıvan Baş Gömrük İdarəsində “Psixotrop maddələr, yeni növ sintetik narkotik vasitələr, hallüsinogenlər və prekursorlar” mövzusunda təlim keçirilib.
Dövlət Gömrük Komitəsindən (DGK) Naxçıvan televiziyası-a bildirilib ki, təlimdə Naxçıvan Baş Gömrük İdarəsinin tabeliyində olan struktur bölmələrin, o cümlədən “Könüllü gömrükçü” dəstəsinin üzvləri iştirak ediblər.
Naxçıvan Baş Gömrük İdarəsinin rəisi Vüqar Əliyev mövzunun aktuallığına dair fikirlərini bölüşüb və gömrük əməkdaşlarını təlimdə aktiv olmağa dəvət edib.
Sonra DGK-nin Tibbi Xidmət İdarəsinin rəis müavini İsmayıl Əfəndiyev “Psixotrop maddələr, yeni növ sintetik narkotik vasitələr, hallüsinogenlər və prekursorlar” mövzusuna dair təqdimatla çıxış edib.
Təlimin sonunda auditoriyanı maraqlandıran suallar ətraflı cavablandırılıb.
NTV canlı
Radio canlı
Nuhçıxan