Sərhəd döyüşlərində Ermənistanın 207 hərbçisi məhv edilib, 293 nəfər isə yaralanıb

Sərhəddəki gərginlik nəticəsində Ermənistan silahlı qüvvələrinin 207 hərbçisi məhv edilib və ya itkin düşüb, yaralıların sayı isə 293 nəfərdir.

Naxçıvan televiziyası İnformasiya Agentliyi “Aysor”a istinadən xəbər verir ki, bu barədə Ermənistan Təhlükəsizlik Şurasının yaydığı açıqlamada bildirilib.

Qeyd edək ki, sentyabrın 19-da Ermənistanın Baş naziri Nikol Paşinyanın rəhbərliyi ilə Təhlükəsizlik Şurasının toplantısı keçirilib.

Şurada açıqlama qəbul olunub. Məlumata əsasən, sentyabrın 12-13-də Ermənistanın törətdiyi genişmiqyaslı təxribat nəticəsində 207 nəfər məhv edilib, 2 nəfər itkin düşmüş sayılır, 293 nəfər yaralanıb, 20 hərbçi isə əsir düşüb.