Erməni işğalından azad edilən Kəlbəcərin Çıraq kəndi ərazisində düşmənin basdırdığı minanın partlaması nəticəsində şəhid olan gizir Zöhrab Hümbətov torpağa tapşırılıb.
Naxçıvan televiziyası İnformasiya Agentliyinin məlumatına görə, Tovuz rayonunun Aşağı Quşçu kəndində, şəhidin ailəsinin yaşadığı evin qarşısında keçirilən mərasimdə şəhidin yaxınları ilə yanaşı, hərbçi yoldaşları, rəsmi şəxslər, hüquq-mühafizə orqanlarının əməkdaşları və rayon sakinləri iştirak ediblər.
Zöhrab Hümbətovun nəşi Aşağı Quşçu kənd qəbiristanlığında torpağa tapşırılıb.
Qeyd edək ki, dekabrın 14-də Kəlbəcər rayonunun Çıraq kəndi ərazisində 8 nəfər minaya düşüb. Hadisə nəticəsində 1984-cü il təvəllüdlü Hümbətov Zöhrab Məmməd oğlu şəhid olub. Onun 3 övladı yadigar qalıb.
NTV canlı
Radio canlı
Nuhçıxan