Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev tviter hesabında ABŞ Prezidentinin milli təhlükəsizlik məsələləri üzrə müşaviri Ceyk Sallivan ilə telefon söhbəti barədə paylaşım edib.
Naxçıvan televiziyası İnformasiya Agentliyi xəbər verir ki, Hikmət Hacıyev paylaşımında telefon söhbəti əsnasında ikitərəfli əlaqələrin, regional təhlükəsizlik məsələlərinin, Azərbaycan ilə Ermənistan arasında normallaşma prosesinin və sülh müqaviləsi üzrə danışıqların müzakirə edildiyini, Azərbaycanın regional sülh gündəmini irəli aparmaq əzmində olmasının vurğulandığını bildirib.
Prezidentin köməkçisi, həmçinin Laçın-Xankəndi yolunun kəsişdiyi ərazidə faydalı qazıntı yataqlarının qanunsuz istismarına və bunun ekoloji zərərlərinə qarşı etiraz aksiyası keçirən Azərbaycanın vətəndaş cəmiyyətinin haqlı narahatlığını diqqətə çatdırdığını, Ermənistanın “blokada” ilə bağlı iddialarının əsassız və qara təbliğat olduğunu bildirdiyini qeyd edib.
NTV canlı
Radio canlı
Nuhçıxan