satellite   Azerspace-1: 11135 H 30000

Əcnəbilər Ukraynanın Milli Qvardiyasında xidmət edə bilər

Əcnəbilər Ukraynanın Milli Qvardiyasında xidmət edə bilər

Ukrayna Prezidenti Volodimir Zelenski əcnəbilərin və vətəndaşlığı olmayan şəxslərin Milli Qvardiyada xidmət göstərməyə icazə verilməsi haqqında fərman imzalayıb.

Naxçıvan televiziyası bu barədə Ukrayna Prezidentinin saytına istinadla xəbər verir.

Fərmanda qeyd olunur ki, hərbi xidmət keçmənin tələblərinə cavab verən əcnəbilər Ukrayna Milli Qvardiyasına könüllülük əsasında qəbul edilə bilərlər.

“Ukrayna ərazisində qanuni əsaslarla yaşayan, əvvəllər məhkumluğu olmayan və Ukraynanın “Hərbi mükəlləfiyyət və hərbi xidmət haqqında” Qanunu ilə müəyyən edilən hərbi xidmət keçmənin tələblərinə cavab verən əcnəbilər könüllülük əsasında Ukrayna Milli Qvardiyasına hərbi xidmətə qəbul oluna bilərlər”, - deyə Prezidentin saytında bildirilir.

Əcnəbilər orduda müqavilə üzrə həm sıravi, həm də serjant və starşina vəzifələrində xidmət edə bilərlər. Hərbi xidmət keçməkdən ötrü onlar yaşadıqları yer üzrə ərazi komplektləşdirmə və sosial dəstək mərkəzinə, yaxud bilavasitə müqavilə üzrə hərbi xidmət keçmək istədikləri hərbi hissəyə müraciət etməlidirlər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM