Bolqarıstan və Yunanıstanın Hərbi Hava Qüvvələri birgə təlim uçuşlarına başlayır. Uçuşlar Bolqarıstanın hava məkanında keçiriləcək.
NTV Bolqarıstanın BTA informasiya agentliyinə istinadla xəbər verir ki, bu barədə ölkənin Müdafiə Nazirliyi məlumat yayıb. Bildirilib ki, müdafiə nazirinin fərmanına əsasən, iki Yunanıstan F-16 “Fighting Falcon” qırıcısının ekipajları və standart silahları ilə birlikdə Bolqarıstana daxil olmasına icazə verilib. Zərurət yarandıqda, təyyarələrə dəstək üçün 50-yə qədər hərbi qulluqçu da ölkəyə gələ biləcək.
Nazirlik qeyd edib ki, birgə uçuşların məqsədi hava məkanının monitorinqini və mühafizəsini gücləndirməkdir və təlimlər hər hansı hərbi əməliyyat xarakteri daşımır.
Xatırladaq ki, həftənin əvvəlində Bolqarıstanın F-16 “Fighting Falcon” qırıcıları Sofiya hava limanı ətrafında təlim uçuşları həyata keçirib. Təlimlərin məqsədi pilotları ölkə ərazisindəki mülki hava limanlarına yaxınlaşma əməliyyatlarına hazırlamaqdır.
NTV canlı
Radio canlı
Nuhçıxan