Qırğızıstan şəhərlərdə və digər yaşayış məntəqələrində yaşıl sahələrin qorunması üçün qaydaları sərtləşdirməyi təklif edir. Qanun layihəsinin əsas müddəalarından biri “birə-beş” prinsipinə əsaslanan kompensasiyalı yaşıllaşdırmadır. Kəsilmiş hər bir ağaca görə layihəçilər beş yeni ağac əkməli və onlara üç il ərzində qulluq etməlidirlər.
NTV xəbər verir ki, bu qaydanı qanun layihəsinin təşəbbüskarı Dastan Bekeşev açıqlayıb.
Kompensasiyalı əkin üçün yerli iqlimə uyğunlaşdırılmış ağac növlərindən istifadə etmək təklif olunur. “24.kg” portalı xəbər verir ki, tikinti sahəsində yeni əkinlər üçün yer yoxdursa, layihəçiyə alternativ sahə veriləcək.
Digər bir yenilik isə yaşıl sahələrin dövlət inventarlaşdırılmasıdır. Hər bir ağacın elektron reyestrə daxil edilməsi, ağacların vəziyyətini və sayını izləməyə imkan verən rəqəmsal pasportla təmin olunması planlaşdırılır. Qanun layihəsi, həmçinin böyük ölçüdə fidanlar üçün tələbləri müəyyən edir: yarpaqlı ağacların hündürlüyü ən azı 2,5 metr, iynəyarpaqlıların hündürlüyü isə 2 metr olmalıdır. Mümkün olduqda, yetkin ağacların kəsilməsi əvəzinə, onları yenidən əkməyə üstünlük veriləcək.
Qanun layihəsinin müəllifləri bu yeni qaydaların tətbiqinə ehtiyacı istirahət zonalarında qanunsuz tikinti hallarının artması və yaşayış məntəqələrində ağacların geniş miqyasda kəsilməsi ilə əlaqələndirirlər.
Təklif olunan tədbirlərin 2026-2030-cu illər üçün milli yaşıllaşdırma proqramının layihəsi də daxil olmaqla şəhər yaşıllaşdırması üzrə dövlət siyasəti ilə uyğunlaşdırılması planlaşdırılır.
NTV canlı
Radio canlı
Nuhçıxan