Beynəlxalq Enerji Agentliyinin 32 üzv ölkəsi Yaxın Şərqdəki münaqişə fonunda qlobal enerji bazarındakı çatışmazlığı aradan qaldırmaq üçün strateji neft ehtiyatlarının 400 milyon barelini bazara yönləndirmək barədə yekdilliklə razılığa gəliblər.
NTV xarici mediaya istinadla xəbər verir ki, bu barədə qərar bazar şərtlərini qiymətləndirmək və təchizat pozuntularını aradan qaldırmaq üçün variantların nəzərdən keçirildiyi IEA-ya üzv ölkələrin nümayəndələrinin fövqəladə iclasında qəbul edilib.
“Neft bazarında qarşılaşdığımız problemlər misli görünməmiş miqyasdadır. IEA-a üzv ölkələrin buna misli görünməmiş miqyasda fövqəladə kollektiv tədbirlərlə cavab verməsinə çox şadam. Neft bazarları qlobaldır, ona görə də böyük pozuntulara cavab qlobal olmalıdır. Enerji təhlükəsizliyi IEA-nın təsis mandatıdır və üzv üzvlərin birlikdə qətiyyətli tədbirlər görməkdə güclü həmrəylik nümayiş etdirmələrindən məmnunam”, - deyə Fatih Birol bildirib.
Strateji neft ehtiyatlarının hər bir üzv ölkənin milli şəraitinə uyğun olan müddət ərzində bazara təqdim ediləcəyi və bəzi ölkələr tərəfindən isə əlavə fövqəladə tədbirlər görüləcəyi bildirilib.
Qeyd edək ki, IEA-ya üzv ölkələr 1,2 milyard bareldən çox strateji neft ehtiyata malikdirlər, əlavə olaraq 600 milyon barel sənaye ehtiyatı isə hökumət öhdəliyi altında saxlanılır.
1974-cü ildə yaradılan Beynəlxalq Enerji Agentliyi bu müddətdə altı dəfə - 1991-ci, 2005-ci, 2011-ci və 2022-ci ildə iki dəfə olmaqla strateji ehtiyatlardan istifadə olunması barədə qərar qəbul edib.
NTV canlı
Radio canlı
Nuhçıxan