Bu ilin iyun ayında Avropada TTF (Niderlandın "Title Transfer Facility"i Avropanın ən likvid virtual satış mərkəzi) indeksi üzrə təbii qazın orta nağd bazar (spot – red.) qiyməti 1 mln. BTU-ya görə (British thermal unit – Britaniya istilik vahidi) 15,12 ABŞ dolları səviyyəsində olub.
Bu barədə NTV Qaz İxrac edən Ölkələr Forumunun (Gas Exporting Countries Forum - GECF) hesabatına istinadən xəbər verir.
Belə ki, iyunda TTF satış mərkəzi üzrə qazın orta qiyməti aylıq müqayisədə 7% azalıb, illik müqayisədə isə 23% artıb.
Hesabatda bildirilir ki, iyun ayında NBP qaz satış qovşağında (Böyük Britaniyanın əsas virtual qaz ticarət məntəqəsidir və Avropada təbii qazın spot bazarı üzrə ən nüfuzlu mərkəzlərdən biri hesab olunur – red.) qazın orta spot qiyməti 14,59 dollar təşkil edib, bu da aylıq müqayisədə 8% azalma, illik müqayisədə isə 24% artım deməkdir.
Xatırladaq ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
NTV canlı
Radio canlı
Nuhçıxan