Azərbaycan, Türkiyə və ABŞ arasında iqtisadi dialoqun inkişaf etdirilməsi, biznes dairələri arasında əlaqələrin genişləndirilməsi və yeni investisiya imkanlarının araşdırılması regional iqtisadi əməkdaşlıq üçün əhəmiyyətli perspektivlər yaradır.
NTV xəbər verir ki, bunu Türkiyənin Azərbaycandakı səfirliyinin baş ticarət müşaviri Nevzat Bozkurt iqtisadi əməkdaşlığa həsr olunan tədbirdə çıxışı zamanı bildirib.
O qeyd edib ki, beynəlxalq iqtisadi münasibətlərin inkişafında özəl sektorun fəal iştirakı, sahibkarlar arasında birbaşa təmasların artırılması və konkret layihələr üzrə əməkdaşlığın təşviqi mühüm rol oynayır.
Baş ticarət müşaviri bildirib ki, enerji, sənaye, nəqliyyat-logistika və müasir texnologiyalar üç ölkə arasında iqtisadi əməkdaşlığın genişləndirilməsi baxımından diqqət yetirilə biləcək istiqamətlərdəndir.
Onun sözlərinə görə, investisiya mühitinin yaxşılaşdırılması, biznes üçün əlverişli şəraitin yaradılması və uzunmüddətli tərəfdaşlıq əlaqələrinin qurulması iqtisadi təşəbbüslərin səmərəliliyini artıra bilər.
Nevzat Bozkurt vurğulayıb ki, beynəlxalq iqtisadi əməkdaşlığın möhkəmləndirilməsi üçün dialoqun davam etdirilməsi, qarşılıqlı maraqların nəzərə alınması və yeni layihələrin praktiki nəticələrə yönəldilməsi vacibdir.
O, Azərbaycan, Türkiyə və ABŞ arasında biznes əlaqələrinin inkişafının yeni tərəfdaşlıqların yaranmasına və iqtisadi imkanların genişləndirilməsinə töhfə verəcəyini diqqətə çatdırıb.
NTV canlı
Radio canlı
Nuhçıxan