Naxçıvan televiziyası xəbər verir ki, Naxçıvan Dövlət Universiteti Kimya-Biologiya təmayüllü Liseydə Naxçıvan Dövlət Universitetində fəaliyyətə başlayan regional SAT imtahan mərkəzinin təqdimat mərasimi keçirilib.
Təqdimat mərasimində bildirilib ki, Naxçıvan Dövlət Universitetindəki SAT imtahan mərkəzi Dijital SAT imtahanı üçün onlayn qeydiyyat aparılacaq, İmtahan mərkəzi, SAT konsultasiya mərkəzi və SAT hazırlıq mərkəzi kimi fəaliyyət göstərəcək. Həmçinin mərkəzdə koordinator, köməkçi koordinator, texniki mütəxəssis və repetitorların fəaliyyət göstərməsi nəzərdə tutulur.
Qeyd edək ki, Naxçıvan Dövlət Universiteti SAT imtahan mərkəzi kimi fəaliyyət göstərəcək ilk dövlət ali təhsil müəssisəsidir. Mərkəzin koordinatoru Aidə Cəlilzadədir. Naxçıvan Dövlət Universiteti 14 iyun 2023-cü ildə Amerika Birləşmiş Ştatları College Board təşkilatı tərəfindən rəsmi olaraq SAT imtahan mərkəzi kimi qeydiyyata alınıb.
NTV canlı
Radio canlı
Nuhçıxan