Polşada keçirilən III Avropa Oyunlarının qılıncoynatma yarışları davam edir.
Naxçıvan televiziyası xəbər verir ki, kişi sablyaçılarımız komanda yarışlarında mübarizəyə qoşulublar. Yığmamız səkkizdəbir finalda Macarıstanla qarşılaşıb. Saleh Məmmədov, Murad Əkbərov və Maqsud Hüseynlinin yer aldığı komanda 25:45 hesabı ilə uduzub.
Bununla da yığmamız medallar uğrunda mübarizəni dayandırıb. Sablyaçılarımız 9-16-cı yerlər uğrunda yarışacaqlar.
Qeyd edək ki, Oyunların geridə qalan yeddi günündə Azərbaycan 8 medal qazanıb. Bunlardan 2-si qızıl, 1-i gümüş, 5-i bürüncdür. Karateçilərimiz 2 qızıl və 1 bürünc, taekvondoçularımız 1 gümüş və 1 bürünc, muaytayçılarımız 3 bürünc medala sahib olublar.
NTV canlı
Radio canlı
Nuhçıxan