Azərbaycan boksçusu Məhəmməd Abdullayev Polşada keçirilən III Avropa Oyunlarının finalına yüksəlib.
Naxçıvan televiziyası xəbər verir ki, 92 kiloqramdan yuxarı çəki dərəcəsində çıxış edən dünya çempionatının mükafatçısı finala gedən yolda Nelvi Ram Tiafakla (Almaniya) gücünü sınayıb.
Görüş boksçumuzun inamlı qələbəsi ilə başa çatıb. M.Abdullayev rəqibini 4:1 (29:28, 29:28, 29:28, 30:27, 28:29) hesabı ilə məğlub edərək, çempionluq şansını davam etdirib.
O, finala çıxmaqla özü üçün “Paris-2024” Yay Olimpiya Oyunlarına lisenziyanı da rəsmiləşdirib. Bu, boksçularımızın Fransada təşkil olunacaq Olimpiadaya ikinci vəsiqəsi olub. Ondan əvvəl Murad Allahverdiyev (80 kq) bu uğura yiyələnib.
NTV canlı
Radio canlı
Nuhçıxan